په تخار کې د ۳۲.۷ میلیونه افغانیو په ارزښت د یوه اوسپنیز کانکریټي پل جوړولو کار پیل شو
د کلیو بیا رغونې او پراختیا وزارت د کلیوالي لار جوړولو ملي پروګرام له لوري د تخار ولایت د چال ولسوالۍ په اسفیج کلي کې د ۳۲.۷ میلیونه افغانیو په ارزښت د ۷۲ متره اوږد اوسپنیز کانکریټي پل او ۳۸۰ متره نښلونکي سړک د جوړولو کار پیل شو.
د دې پروژې په ترڅ کې د کارګرو لپاره ۶۶۴۰ کاري ورځې رامنځ ته شوي او په بشپړتیا سره به یې د چال او اشکمش ولسوالۍ یو له بل سره وتړل شي او د بغلان ولایت ګذرګاه نور او خوست و فرنګ ولسوالۍ به هم له مرکز تالقان سره وتړل شي.
