په تخار کې د ۱.۷ میلیونو افغانیو په ارزښت د یوه کانال د ایستلو کار پیل شو
د کلیو بیا رغونې او پرمختیا وزارت د ولسي تړون پروګرام له لوري د تخار ولایت د دشت قلعه ولسوالۍ د شهر کهنه کلي د پرمختیايي شورا له لارې د ۱.۷ میلیونو افغانیو په ارزښت د اوبه خور د یوه کانال د ایستلو چارې پیل شوي او کار یې ۸۰ سلنه مخکې تللی. دا کانال ۵۶۰ متره اوږدوالی لري او د کار په اوږدو کې یې فني او نافني کارګرو ته۱۲۱ کاري ورځې رامنځ ته شوې دي.
باید ووایو چې د کار په بشپړیدو سره به ۳۹۸ کورنۍ له دې کاناله ګټه واخلي.
