په تخار کې اوبورسولو د یوې شبکې کار ۹۵ سلنه پرمخ تللی دی
د کلیوبیارغونې اوپراختیا وزارت د اوبورسولو او کلیوالي حفظ الصحې ملي پروګرام له لوري د تخار ولایت د روستاق ولسوالۍ په مسجد حاجي خواجه کلي کې د اوبورسولو د یوې شبکې کار ۹۵ سلنه پرمخ تللی دی.
دا شبکه ۳۹۵۵ متره پایپ، ۴۰ مترمکعبه د اوبو یوه زیرمه، ۳۰ سولري تختې، یوه ژوره څاه او ۲۰۵ نلکې لري او په جوړیدو به یې ۴۲۰ کورنۍ د څښاک پاکو اوبو ته لاسرسی پیدا کړي.
باید ووایو چې د کلیوبیارغونې او پراختیا وزارت له لوري په تیره یوه اونۍ کې د اوبو رسولو د ۸ شبکو او څاګانو کیندلو کار بشپړ شوی او زرګونه تنو د څښاک پاکو اوبو ته لاسرسی موندلی دی.
