په بغلان کې د ۲۴ میلیونه افغانیو په ارزښت ۳ کیلو متره سړک جوړ شو
د کلیو بیا رغونې او پراختیا وزارت د کلیوالي لارجوړولو پروګرام له لوري د بغلان ولایت له فلول کلي د بورکه ولسوالۍ تر هزاره سیمې پورې د ۲۴ میلیونه افغانیو په ارزښت ۳ کیلو متره سړک او د هغه د اوبو ایستلو جوړښتونه جوړ شول.
دې سړک د قرا ګنده چشمه، کاریز، نواباد، فلول، دشت فلول، کمر جمعه علي، ارباب نورمحمد، مجیدخان، ارباب عبدالرحیم، مرزا بیک وجنګي، زریاد الوق او سید فقیر کلي ۳ زره او ۱۲۰ کورنۍ د لومړنیو خدمتونو له مرکزونو سره وتړلې.
د دې پروژې په ترڅ کې ۲ زره او ۹۶ کاري ورځې رامنځ ته شوې وې.
