په بدخشان کې د ۳.۶ میلیونه افغانیو په ارزښت د یوه کانال او د اوبو د یوې زیرمې جوړولو کار بشپړ شو
د کلیو بیا رغونې او پراختیا وزارت د ولسي تړون پروګرام له خوا د بدخشان ولایت د تیشکان ولسوالۍ په غیلاوک او دره قاق کلیو کې د ۳.۶ میلیونه افغانیو په ارزښت د اوبه خور ۴۷ متره اوږد او ۴ متره لوړ کانال او د ۱۰۵ متره مکعبه په ظرفیت یوه د اوبو زیرمه بشپړ او ګټې اخستنې ته وسپارل شول.
ددغو دوو پروژو په ترڅ کې فني او نا فني کارګرو ته ۳۶۸۲ کاري ورځې رامنځ ته شوې وې، په دې سره به ۱۷۷ جریبه کرنیزه ځمکه خړوبه شي او ۱۴۹ کورنۍ به ترې ګټه واخلي.
