په بدخشان کې د ۱.۹ میلیونه افغانیو په لګښت یو کرنیز کانال بشپړ او ګټې اخستنې ته وسپارل شو
د کلیو بیارغونې او پراختیا وزارت د ولسي تړون ملي پروګرام له لوري د بدخشان ولایت د واخان ولسوالۍ اړوند د ګاز کلي پراختیایي شورا لخواد ۱.۹ میلیونه افغانیو په لګښت د اوبو لګولو د یوه کانال کار بشپړ شو.
نوموړی کانال ۳۰۰ متره محافظوي دیوال، ۱۳ متره سربند او ۲۵ اوبه ویشونکې لري. د یادونې وړ ده چي د پروژې د جوړیدو په بهیر کې ماهرو او غیر ماهرو کاریګرو ته ۱۴۳۶ کاری ورځې رامنځته شویدي او ۱۹۰ جریبه ځمکه خړوبوي چې ۳۰ کورنۍ به ترینه ګته واخلي.
