په بدخشان کې د اوبو لګولو د سربند او کانال پروژه بشپړه شوه
په بدخشان ولایت کې د کلیو د بیا رغونې او پراختیا وزارت د سیمه ییز پروګرام له لوري د اوبو لګولو د سربند او کانال د جوړولو کار بشپړ شو. د دغې پروژې په ترڅ کې د یاد ولایت د مرکز په ایتارچي کلي کې د اوبو لګولو پوخ سربند او د ۴۹۰ مترو په اوږدوالي د اوبو لګولو پوخ کانال جوړ شو.
د یادې پروژې د تطبیق پر مهال ۴۴۲۳ کاري ورځې رامنځته شوي او د سیمې ۱۵۳۵ اوسیدونکي اوس ترې ګټه پورته کوي. د یادونې وړ ده چې د دغې پروژې له لارې د ځايي بزګرانو له ۱۲۵ جریبو ډیره کرهڼیزه ځمکه د اوبو لګولو تر منظم پوښښ لاندې راغلې ده.
