نورستان ولایت کې د ټرانسپورټي پله پروژه ګټې اخیستنې ته وسپارل شوه
د کلیو بیا رغونې او پرمختیا وزارت د سیمه ییز پروګرام له لوري د نورستان ولایت د واما ولسوالۍ په اسلام آباد کلي کې د نږدې ۱۶ میلیون افغانیو په ارزښت ټرانسپورټي پُل ګټې اخیستنې ته وسپارل شو.
د دغې پروژې په لړ کې چې له ملي بودیجې تمویل شوې ۳۴۵۶ کاري ورځې رامنځته او د سیمې ۲۷۸۰ اوسیدونکي ترې ګټه پورته کوي.
د یادې پروژې په بشپړیدو سره نه یواځې د سیمې د بیلابیلو کلیو تر منځ د خلکو د تګ او راتګ په برخه کې آسانتیاوې رامنځته شوي بلکې مارکیټونو ته د دوی د محصولاتو د رسولو په برخه کې یې هم مرسته کړې چې پر اقتصاد به یې مثبت اغیز وشیندل شي.
