د کلیو د بیارغونې او پراختیا وزارت له لورې په بغلان ولایت کې د (۳) چیک ډیمونو او بدیلو پروژو چارې پیل شوې
د کلیو د بیارغونې او پراختیا وزارت له لورې په بغلان ولایت کې د څه باندې (۴۰) میلیونه افغانیو په لګښت د (۳) چیکډیمونو او بدیلو پروژو چارې نن د یو لړ مراسمو په ترڅ کې د یاد وزارت د سرپرست وزير الحاج ملا محمد یونس اخندازاده او مل پلاوي له لورې عملا پیل شوې.
په یاده غونډه کې د کلیو د بیارغونې او پراختیا وزارت سرپرست وزير الحاج ملا محمد یونس اخندزاده، مل پلاوي، د بغلان ولایت والي الحاج مولوي عبدالرحمن حقاني صاحب، د یاد ولایت د بریښنا رئیس ملا سردار ولي حمزه، د دوشي ولسوالۍ ولسوال قاري محمد یوسف عمر، د بغلان ولایت د کلیو د بیارغونې او پراختیا رئيس مولوي عبدالواحد عبیده، سیمې علماء کرامو، سپین ږیرو او ځوانانو ګډون کړی وو.
د دغه چیکډیمونو او پروژو د کار په جریان کې به د سیمې سلګونه تنه کاریګرو ته د کار زمینه برابره شې چې د یادو چیکډیمونو په جوړیدو سره به د باران اوبه مهار او د ځمکې لاندې اوبو سطحه به برقراره وساتل شي.
