د کلیو د بیارغونې او پراختیا وزارت سرپرست د بدخشان ولایت د جرم او یمنګان ولسوالیو له مخورو او سپین ږیرو سره وکتل
د یادو ولسوالیو مشرانو د وزیر صاحب له راتګ څخه خوښي څرګنده کړه او ویې وویل چې له فتحې مخکې د پخواني رژیم په لړ کې له وزیرانو سره لیدل ډیر ستونزمن وو خو الحمدلله اوس د اسلامي امارت له راتګ وروسته دغه ستونزه هواره شوې او مونږ کولای شو د اسلامي امارت له مسوولینو سره په اسانه توګه لیدنه وکړو.
د یادې لیدنې په ترڅ کې د نوموړې ولسوالۍ اوسیدونکو خپلې ستونزې له وزیر صاحب سره شریکې کړې؛ وزیر صاحب د دوی ستونزې په غور سره واوریدې او ژمنه يې وکړه چې مونږ به د خپل شته توان او امکاناتو سره سم ستاسو ستونزو ته رسېدنه کوو.
