د کلیوالي اقتصاد د پیاوړتیا ملي پروګرام د مرکزي زون د اړوندو ولایتونو کارکوونکو ته د جندر په اړه روزنیز ورکشاپ ترسره شو
د کلیو د بیارغونې او پراختیا وزارت د کلیوالي اقتصاد د پیاوړتیا ملي پروګرام د جندر د څانګې لهخوا د ولسوالۍ په کچه د پروګرام د مرکزي زون د همغږۍکارکوونکو ته د جندر په اړوندو موضوعاتو کې درې ورځنۍ روزنیز ورکشاپ پیل شو.
پهدې روزنه کې به د پلازمېنې کابل، لوګر، وردګ، بامیان، کاپیسا، پروان، پنجشیر او دایکندي ولایتونو له اړوندو ولسوالیو څخه د پروګرام د همغږۍ ۲۲ تنه کارکوونکي د جندر د پیژندنې، برابرۍ او مساوات، په ټولنه کې د توپيري سلوک او په دولتي ادارو کې د جندر اړوند ټولنیز، اقتصادي او سیاسي موضوعاتو په اړه بشپړ معلومات ترلاسه کړي.
سربيره پر دې د جندر پر وړاندې د توپیري سلوک په مناسبت به د ګډونوالو لهخوا په ټولنه او دولتي ادارو کې د ځينو ننګونو د څرګندولو په موخه ګروپي کارونه هم ترسره شي.
د یادونې وړ ده، چې دا ورکشاپ د روان کال د تلې د میاشتي په ۱۵ مه نېټه د دریو ورځو لپاره پېل او د همدې میاشتې تر ۱۷مې نېټې به د پروګرام په مرکزي دفتر کې روان وي.
