د کلیوالي اقتصاد د پياوړتیا ملي پروګرام ۳۰۰ تنه ګټه اخیستونکو ته په سپما ګروپونو کې د غړیتوب د ترلاسه کولو روزنه ورکړل شوه
د کلیو بیارغونې او پراختیا وزارت د کلیوالي اقتصاد د پياوړتیا ملي پروګرام سیمه ییزه کارکوونکو د بامیانو ولایت په یکولنګ ولسوالۍکې د ۱۹ سپماګروپونو غړو ته، چې شمېر یې ۳۰۰ تنو ته رسېده، په ګروپ کې د «غړیتوب د زیاتیدو» په اړه دوه ورځنۍ روزنه ورکړه. په دغه روزنیز پرګرام کې د سپما ارزښت، له ګروپ څخه د پور اخیستنې او بېرته ورکړې او د یو کوچني کاروبار د پیل په اړه هم برخوالو ته معلومات وړاندې شول.
د یادونې وړ ده، چې د کلیوالي اقتصاد د پیاوړتیا ملي پروګرام په دې ولسوالۍکې د خپلو فعالیتونو د پیل راهیسې تر اوسه ۶۳۵ سپماګروپونه، د پور او سپما ۴۲ کلیوالي اتحادیې او ۲۳ تولیدي ګروپونه جوړ کړي، چې له دې لارې یې د یکولنګ ولسوالۍ ۷۵۰۰ تنه اوسېدونکي د پروګرام تر پوښښ لاندې راوستي دي.
