د کليو بیارغونې او پراختیا وزیر د میدان ورګو ولایت د ولایتي شورا استازو او د بهسودو ولسوالۍ د قومي مشرانو ستونزې واوریدې
د کليو بیارغونې او پراختیا وزیر پوهنمل مجیب الرحمن کریمي نن په خپل کاري دفتر کې د میدان وردګو ولایت د بهسودو ولسوالۍ له قومي مشرانو او ځوانانو سره د یاد ولایت د ستونزو د اوریدو په موخه ولیدل.
د لیدنې په پیل کې د میدان وردګو ولایت قومي مشرانو د کليو بیارغونې او پراختیا له وزیر سره د خپلې سيمې ستونزې او غوښتنې شریکې کړې، چې د ولسي تړون ملي پروګرام نورو سېمو ته غځول او ځينې نورې ټولنیزې ستونزې یې مهمې هغه وې.
د کليو بیارغونې او پراختیا وزیر دوی ته وویل:" سږ کال به په میدان وردګو ولایت کې د څه باندې ۴۵۶ ميليونه افغانیو په ارزښت ۴۳۸ پرمختیايي پروژې په بېلابېلو سکتورونو کې پلي شي او د دې ترڅنګ به امکاناتو، د وزارت کاري ساحې او اصولو ته په پام ستاسې نورو ستونزو ته هم د حللارې پیدا کړو."
