د میدان وردګو ولایت په جلریز او سیداباد ولسوالیو کې دوه د اوبو کاریزونه ګټې اخیستنې ته وسپارل شول

د کلیو د بیارغونې او پراختیا وزارت د سیمه یز  پروګرام له لوري د میدان وردګو ولایت په جلریز او سیداباد ولسوالیو کې د کرنیزو ځمکو د خړوبولو په موخه  دوه کاریزونه تر رغونې او پاکارۍ وروسته ګټې اخیستنې ته وسپارل شول.
د میدان وردګو ولایت د کلیو د بیارغونې او پراختیا ریاست ریس ښاغلي انجنیر خالد رحماني په وینا  د سېدخېلو کاریز د 160 متره  په اوږد والی، د یوې څاه پاکاري او تر ځمکې لاندې 53,20متره اوږد تونل؛  همدا ډول د زاړو خېلو کاریز بیا د 2441 متره په اوږدوالي او د 54 حلقو څاګانو په پاکولو سره په اساسي بڼه رغول شوي دي؛ چې په راتلونکې کې به له یادو کاریزونو څخه د 350 جریبه په شاوخوا کې کرنیزه ځمکه خړوبه شي.