د لیتاکا د درېم پړاو سندونه لاسلیک او د رهبرۍ کمېټې ترمنځ یې د همغږۍ غونډه وشوه
د کليو بیارغونې او پراختیا وزارت د پروګرامونو معین پوپل حبیبي، د ملګرو ملتونو د پرمختیایي پروګرام مرستیالې کاترین ماساکا، په تاجکستان هېواد د سوداګرۍ او اقتصاد وزارت د مرستیال او په یاد هېواد کې د ملګرو ملتونو د پرمختیایي پروګرام له استازی سره په ګډه د لیتاکا پروګرام د درېم پړاو سندونه لاسلیک کړل.
د دې ترڅنګ د کليو بیارغونې او پراختیا وزارت د پروګرامونو د معین پوپل حبیبي، د تاجکستان هېواد د سوداګرۍ او اقتصاد وزارت د معین، په تاجکستان هېواد کې د جاپان د سفیر، په افغانستان او تاجکستان هېواد کې د جایکا د استازي ترمنځ د لیتاکا پروګرام د رهبرۍ کمېټې ترمنځ د همغږۍ پنځمه غونډه په انلاین بڼه ترسره شوه، چې په کې د د دې پروګرام د لاسته راوړنو، راتلونکو پلانونو او په ځينو ننګونو خبرې او بحثونه ترسره شول.
د یادونې وړ ده، چې د لیتاکا پروګرام درېم پړاو به د ۲۰۲۱ زیږدیز کال په اپريل میاشت کې پیل شي او تر څلور کلونو به د هېواد د څلور ولایتونو (تخار، کندوز، بدخشان او بلخ) په اتو ولسوالیو کې فعالیتونو ترسره کوي.
