د لوګر ولایت په خوشي ولسوالۍ کې له سېلاب ځپلو سره مرستې
د لوګر ولایت د بیړنیو حالاتو کمیټې د کلیو د بیارغونې او پراختیا، د پیښو سره د مبارزې، کرنې او مالدارۍ، کډوالو ریاستونو او مؤسسو، خیریه بنسټونو په مرسته او همکارۍ په دوو ځایونو کې کمپونه جوړ او د سېلاب ځپلو او بې ځایه شویو خلکو لپاره د سرپنا په موخه ۲۱۰ خیمې یې په اختیار کې ورکړې دي. د لوګر ولایت د کلیو د بیارغونې او پراختیا ریاست له لوري د څو باب خیمو تر څنګ په بې ځایه شویو او زیانمنو شویو خلکو یو اندازه صابون، د حفظ الصحې کیټونه، سطلونه او د اوبو د پاکولو تابلیتونه هم وویشل شول. یادې مرستې په بیړنیو حالاتو کې په سمدستي او عاجله توګه ترسره شوي د مرستو ویش دوام لري او انشاءالله د سیلابونو ټولو زیانمنو شویو او د هغوی اساسي اړتیاوو ته رسېدنه ترسره کیږي.
