د بدخشان ولایت د واخان ولسوالۍ د بزای ګنبد د سړک چارې د کلیو د بیارغونې او پراختیا وزارت د سرپرست وزیر له خوا پیل شوې
د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده د خپل کاري سفر په ترڅ کې د واخان ولسوالۍ د کوچني پامیر د بزای ګنبد څخه د چین هیواد تر پولې پورې د ۴۹،۷ کیلو متره د نوي سړک جوړولو او د جغل اچولو د پروژې افتتاح وکړه او چارې يې رسما پيل شوې.
د پروژې د پرانیست پر مهال د کلیو د بیارغونې او پراختیا وزارت سرپرست وزیر د یادې سیمې اوسیدونکو ته وینا وکړه او وویل دا يوه حياتي او مهمه پروژه ده چې د نوموړې پروژې په بشپړیدو سره به د واخان ولسوالۍ د ولسونو شته ترانسپورټې ستونزې هوارې شي.
دغه پروژه د کلیو د بیارغونې او پراختیا وزارت د کلیوالي سړک جوړونې ریاست او د پراختیايي شوراګانو له خوا د (۳۶۹۵۷۹۲۲۷) میلیونه افغانیو په لګښت جوړيږي.
