په ۲۰۲۱ کال کې؛ د هیواد په اتو ولایتونو کې ۷۲۵ کلي پاک اعلان شو
په کلیوالي سیمو کې د اوبو رسولو او حفظ الصحې د ریاست د حفظالصحې او پاکوالي د تعلیماتو څانګې په ۲۰۲۱ کال د سياِلټياِس طریقه د هیواد د اتو ولایتونو د نهو ولسوالیو لکه (د بادغیس ولایت د مقر ولسوالۍ، د بامیانو ولایت د وَرس ولسوالۍ، د ډایکنډي ولایت د میرامور ولسوالۍ، د هلمند ولایت د نهرسراج ولسوالۍ، د هرات ولایت د کرخ ولسوالۍ، د کندهار ولایت د دامان ولسوالۍ، د ننګرهار ولایت د کوټ او بټيکوټ ولسوالیو او د پکتیا ولایت د زرغون شهر ولسوالۍ) په بیلابیلو کلیو کې تطبیق کړه.
په ۲۰۲۱ کال کې د حفظالصحې او پاکوالي د تعلیماتو د څانګې د سياِلټياِس ټیمونو وکولی شول چې د پورته ذکر شویو ولسوالیو ۷۲۵ کلي له ناوړه دود او چټلیو څخه پاک اعلان کړي او د کلیو خلک يې وهڅه ول چې په خپلو کورونو کې ۷۴۲۴ مبرزونه جوړ او ۱۳۸۷۷ نور پخواني مبرزونه اصلاح کړي.
په دې سربیره، د سياِلټياِس ټیمونو همدارنګه د پورته ذکر شویو ولایتونو په نهو یادو شویو ولسوالیو کې د ښځینه روغتیايي ګروپونو (FHAGs) شاوخوا ۴۵۲۶ تنو غړو او ۲۵۴۹ د ټولنې مشرانو ته د حفظالصحې او پاکوالي د اهمیت په باب د عامه پوهاوي روزنې ورکړې دي.
