تیره اونۍ په هیواد کې د دریو ښوونځيو کار بشپړشوی او د ۷ نورو ښوونځيو کار مخ په بشپړتیا دی
د کلیو پراختیا او بیا رغونې وزارت د ولسي تړون ملي پروګرام د اقرا پروژې تر سیوري لاندې د میدان وردګ ولایت په نرخ، د خوست په تڼیو، او د هرات په کشک رباط سنګي ولسوالیو کې د دریو ښوونځيو کار بشپړ شوی دی. او د کندز په امام صیب، د ننګرهار په خوګیاڼيو، د کابل په فرزه، د کندهار په دامان، د فاریاب په خان چهار باغ او د بلخ ولایت په خلم او نهرشاهي ولسوالیو کې د ۷ نورو ښوونځيو کار نږدې پای ته رسیدلی چې ژر به ګټې اخیستنې ته وسپارل شي.
دا ښوونځي ۱۲، ۸، ۶، او یا ۴ ټولګي، تشنابونه او د څښاک د اوبو څاه ګانې لري او د کار په ترڅ کې یې ماهرو او نا ماهرو کارګرو ته ۳۰ زره او ۵۰۰ کاري ورځې رامنځ ته شوي.
د یادونې وړ ده چې په بشپړو شویو ښوونځيو سره ۱۱۲۰ زده کونکي د ښوونې او روزنې له وړ چاپیریاله برخمن شول او ۴۵۰۰ زده کونکي به د هغو ښوونځو له ګټو برخمن شي چې بشپړتیا ده نږدې دي.
