په ننګرهار کې۲۵۰ زده کونکو ته ښوونیز چاپېریال برابر شو.
د کلیو بیارغونې او پراختیا وزارت د ولسي تړون ملي پروګرام د اقراء پروژې تر سیوري لاندې د ننګرهار ولایت د چپرهار ولسوالۍ څپرې کلي ښوونځي ته د څه باندې ۴ میلیونه افغانیو په لګښت وداني جوړه او د زده کونکو په واک کې ورکړل شوه چې ۶ ټولګي ،۱ اداري خونه، ۳ تشنابونه او د څښاک اوبو څاه لري.
د ښوونځي په ودانیزو چارو کې د سیمې تخنیکي او نا تخنیکي کاریګرو لپاره ۲۲۳۸ کاري ورځې هم برابرې شوې. په چپرهار کې د ولسي تړون ملي پروګرام، اقراء پروژې له لارې ۴۱ ښوونځيو ته ودانۍ جوړیږي، چې د یادې ولسوالۍ ۹۵۰۰ زده کوونکي به ترې ګټه واخلي.
