په فاریاب ولایت کې د څه باندې ۳.۷ ملیونه افغانیو په ارزښت د څښاک د پاکو اوبو د تصفیې د دستګاه نصبولو کار روان دی
د کلیو د بیا رغونې او پراختیا وزارت د ولسي تړون ملي پروګرام له لوري د څه باندې ۳.۷ ملیونه افغانیو په ارزښت د څښاک د پاکو اوبو د تصفیې د یوې دستګاه د نصبولو کار د فاریاب ولایت د اندخوی ولسوالۍ د خیرخواه پراختیایي شورا لخوا روان دی. د څښاک د پاکو اوبو د تصفیې د دغې دستګاه ظرفیت ۱۰۰۰ لیتره دی چې د ۲۰ او ۱۶ مترو مکعبه په ظرفیت د اوبو ۲ زیرمې لري. په نوموړې پروژه کې د اوبو د یوې څاه کیندل هم په پام کې دي او د بشپړیدو وروسته به د خیرخواه کلي ۲۵۰ کورنۍ او د نږدې کلیو اوسیدونکي د اوبو د تصفیې د یادې دستګاه له پاکو اوبو څخه ګټه پورته کړي.
