د کلیو د بیارغونې او پراختیا وزارت له لوري په نورستان ولایت کې سربندونه او کانالونه جوړیږي
د کليو د بيارغونې او پراختيا وزارت له لوري د نورستان ولايت په (۹) بيلابيلو ولسواليو کې د څه باندې (۱۷) ميليونه افغانيو په لګښت سر بندونه او کانالونه جوړيږي، چې له جملې څخه یې د یاد ولایت په دریو ولسوالیو کې د یو لړ مراسمو په ترڅ کې د دغه وزارت د سرپرست وزیر الحاج ملا محمد یونس آخندزاده او مل پلاوي له لوري يې عملا چارې پیل شوې.
په یاده پرانیست غونډه کې د کلیو د بیارغونې او پراختیا وزارت سرپرست وزير الحاج ملا محمد یونس آخندزاده، مل پلاوي، د سیمې علماء کرامو، سپینږیرو او مخورو ګډون کړي وو.
د یادو پروژو د کار په جریان کې به سلګونه تنه کاریګرو ته د کار زمینه برابره شي او د دغو پروژو په بشپړيدو سره به په اړوندو برخو کې د يادو ولسواليو د ولسونو ستونزې هوارې شي.
