په کونړ کې د ۱۹ میلیونه افغانیو په ارزښت د محافظوي دیوال جوړولو کار روان دی
د کلیو د بیا رغونې او پرمختیا وزارت د سیمه ییز پروګرام له لوري د کونړ ولایت د وټپور ولسوالي په قمچۍ کلي کې کې د څه باندې ۱۹ میلیونه افغانیو په ارزښت د ۳۳۲ متره پوخ محافظوي دیوال د جوړولو کار ۹۰ سلنه مخ ته تللی دی.
د یادې پروژې د تطبیق پر مهال ۹۸۴ کاري ورځې رامنځته کیږي او په بشپړیدو به یې نیغ په نیغه ترې د سیمې ۹۳۸ تنه اوسیدونکي ګټه پورته کړي.
د یادونې وړ ده چې د دغې پروژې له لارې به هلته د ځايي بزګرانو لسګونه جریبه کرهڼیزه ځمکه او ګڼ شمیر کورونه د نیزونو له ګواښه خوندي کړلی شي.
