په کونړ کې د ۴.۲ میلیونه افغانیو په ارزښت د ۴ کیلو متره سړک جوړولو کار روان دی
د نرنګ ولسوالۍ د با ډېل درې اړوند د باج ګل کلي پراختيايي شورا له پاره د ولسي تړون ملي پروګرام له لوري ۴ کيلو متره فرعي سړک جوړول منظور شوي، چې ۴.۲ میلیونه افغانۍ لګښت پرې راځي، د دې سړک په جوړېدو سره به نږدې ۳۰۰ کورنیو ته د تګ راتګ اسانتياوې برابرې شي. او ځايي تخنیکي او نا تخنیکي کاریګرو ته به ۴۳۲۵ کاري ورځې رامنځته شي. د يادونې وړده چې په نرنګ ولسوالۍ کې د ولسي تړون ملي پروګرام له لوري د فرعي سړکونو جوړولو، څښاک پاکو اوبو ته د لاسرسي، لمريزې برېښنا او اوبو لګونې په سکتورونو کې ۵۷ پروژې روانې دي، چې ګڼ شمېر يې بشپړې شوي او پاتې نورې به يې په نږدې راتلونکې کې بشپړې او ګټې اخيستنې ته وسپارل شي.
