په لغمان کې د ۴۰ متره محافظوي دیوال، ۶۵ متره کانال او ۲۵ متره سربند جوړولو چارې روانې دي
د کلیو بیارغونې او پراختیا وزارت له لوري د لغمان ولایت دولت شاه ولسوالۍ په په ویس کلي کې د ۴۰ متره محافظوي دیوال، ۶۵ متره کانال او ۲۵ متره سربند جوړولو چارې د نړیوال غذایي سازمان په مالي مرسته روانې دي.
د دې پروژو په پلې کېدو سره به نه یوازې ۹۰۰ جرېبه کرنیزه ځمکه او باغونه د سیلابونه له زیان څخه خوندي شي، بلکې د اوبو لګولو تر منظم سیستم لاندې به هم راشي.
د یادونې وړ ده، چې د دې پروژو د کار کولو په بدل کې ۱۸۸ کارکوونکو ته د میاشتې، ۹۲ کیلو اوړه، ۱۲،۶ کیلو دال، ۹ کیلو غوړي او یو کیلو مالګه ورکول کېږي.
