په هرات کې د کلیوالي اقتصاد د پياوړتیا ملي پروګرام د فعالیتونو بهیر
د کلیو د بیارغونې او پراختیا وزارت د کلیوالي اقتصاد د پياوړتیا ملي پروګرام، په دې وروستیو کې ۲۹۰ ښځینه او نارینه سپما ګروپونه د هرات ولایت په هغو څلورو ولسوالیو کې جوړ کړي؛ چېرته چې پروګرام فعالیت لري.
همدا راز، د پروګرام لهخوا د سپما ۱۵۲ بکسونه او ۱۴۰ کتابونه د ۱۶ کلیو په کچه په سپما ګروپونو وېشل شوي او د بلاعوضه مرستو په توګه د پور او سپما کلیوالي اتحادیو ته د مقطعي پانګې ۹۴ قسطونه تزریق شوې.
د یادونې وړ ده، چې د پروګرام د سیمه ییزوکارکوونکیو لهخوا د دې ولسوالیو په ۲۰ پرمختیایې شوراګانو کې د خوځښت او تحرک په موخه ناستې هم ترسره شوي دي.
