په نورستان کې د ۱.۲ میلیونه افغانیو په ارزښت د څښاک د اوبو یوه شبکه بشپړه شوه
د کلیو بیا رغونې او پراختیا وزارت د اوبو رسولو او کلیوالي حفظ الصحې پروګرام له لوري د نورستان ولایت د وایګل ولسوالۍ په اوګرام کلي کې د ۱.۲ میلیونه افغانیو په ارزښت د څښاک د اوبو یوه شبکه بشپړه او ګټې اخیستنې ته وسپارل شوه.
دا شبکه د ۲۰ مترو مکعبو په کچه د اوبو یوه زیرمه، د چینې ساختمان، ۱.۷۲۵ کیلو متره پایپ او ۹ نلکې لري.
باید ووایو چې ددې پروژې په پلي کیدا سره کارګرو ته ۱۹۹۴ کاري ورځې رامنځ ته شوې وې او تر بشپړتیا وروسته یې ۱۵۰ کورنۍ او د یوه لومړني ښوونځي زده کوونکي له اوبو برخمن شول.
