په هِلمند کې د ۴.۳ میلیونه افغانیو په ارزښت د اوبو رسولو څلور پروژې ګټې اخیستنې ته وسپارل شوې
د کلیو بیارغونې او پراختیا وزارت په کلیوالي سیمو کې د اوبو رسولو او حفظالصحې د پروګرام له لوري د هِلمند ولایت د نادعلي ولسوالۍ په حاجي ګل او وکیل سخيداد او د نهرسراج ولسوالۍ په سیدآباد او حاجي نذیر کلیو کې د (۴میلیونه او ۳۸۴زره او ۷۸۰) افغانیو په لګښت ، چې د یواِسایډ/یونیسف ادارې لخوا ورکړل شوي، د څښلو د اوبو څلور پروژې بشپړې او د خلکو ګټې اخیستنې ته وسپارل شوې.
په دغو پروژو کې د څلورو ژورو څاهګانو کیندل، د څلورو زیرمو او احاطو جوړول، د اوبو رسونې د لمریز سیستم نصبول او د ۱۶ نلکو نصبول شامل وو.
ددغې پروژو په ترڅ کې د ځايي خلکو لپاره ۲۳۰۰ کاري ورځې رامنځته شوې او په بشپړیدو سره یې د شاوخوا ۲۵۰۰ خلکو لپاره د څښلو پاکې اوبه برابرې شوې.
