په بلخ ولایت کې د ماسکونو تر ګرانیدو وروسته یوې ښځې د وطني ماسکونو جوړول پیل کړل
بلخۍ میرمنې خانم نازي د کلیو بیا رغونې او پراختیا وزارت د کلیوالي اقتصاد د پرمختیا د ملي پروګرام د سپما له ګروپه پور اخستی و اوس هغې د بلخ ولایت په دهدادي ولسوالۍ کې ماسکونه جوړول پیل کړي دي تر اوسه یې ۸۰۰ ماسکونه جوړ کړي او پر روغتیايي مرکزونو پلورلي دي.
د ماسکونو ښه کیفیت او مناسبه بیه ددې لامل شوې چې خانم نیازې له روغتیايي مرکزونو او خلکو ډیر فرمایشونه تر لاسه کړي.
هغه وايي چې د کرونا وایروس له خپریدو وروسته په بلخ کې ماسکونه دومره ګران شو چې سیمیزو خلکو یې د اخستو توان نه درلود او دا نوموړې ته یوه انګیزه شوه چې خپله ماسکونه جوړ کړي او په ارزانه بیه یې وپلوري.
هغې ددې کار له کبله د کلیوالي اقتصاد له ملي پروګرامه مننه وکړه چې کلیوالي ښځو ته یې پورونه ورکړي میرمن نازي له خلکو وغوښتل چې د کرونا ویروس پر وړاندې د عامې روغتیا سپارښتنې په پام کې ونیسي.
