د ۳۴۲ میلیونه افغانیو په ارزښت د ۳۵ پرمختیايي پروژو  هوکړه لیکونه  لاسلیک شول

content_manager
یکشنبه ۱۳۹۸/۷/۱۴ - ۱۱:۳۴
کنفرانس

د کلیو بیا رغونې او پراختیا وزارت د یکشنبې پر ورځ (د تلې ۱۴مه) د ۹ ولایتونو لپاره د ۳۴۲ میلیونه افغانیو په ارزښت د ۳۵ پرمختیايي پروژو د پلي کیدا هوکړه لیکونه  له یو شمیر سیمیزو پرمختیايي شوراګانو او خصوصي شرکتونو سره لاسلیک کړل.
د کلیو بیا رغونې او پراختیا وزیر پوهندوی مجیب الرحمن کریمې، هغې غونډې ته چې د یاد وزارت د کنفرانسونو په تالار کې جوړه شوې وه وویل (( دا پروژې څه باندې ۳۴۲ میلیونه افغانۍ ارزښت لري او په ۹ ولایتونو بادغیس، بلخ، کابل، خوست، کونړ، لغمان، ننګرهار، پکتیا او پروان کې پلې کیږي))
ښاغلي کریمي وویل چې، استنادي ، ګبیون ډوله او بولدري دیوالونه ، سولر پمپونه، د اوبه خور کانلونه، سربندونه او سړکونه جوړول چې کلي به د خرڅلاو له مارکیټونو سره تړي له دې پروژو دي.
د کلیو بیا رغونې او پراختیا وزیر وویل چې له دې پروژو په ۳۲ پروژو کې یې خلک هم ۱۰ سلنه ونډه لري چې هغوی د دغو پروژو د مالکیت احساس وکړي او د مسولیت مننې حس یې پیاوړی شي.
ښاغلي کریمي زیاته کړه (( له یادو پروژو ۶ یې د ایټالیا هیواد له لوري او یوه پروژه د هند له لوري تمویلیږي او ۶ نورې یې چې د اوبو رسونې لپاره سولر پمپونه هم په کې شامل دي د کوچیانو لپاره په پام کې نیول شوې دي))
باید ووایو چې ددې پروژو په پلي کیدا سره به ۸۳۵۸۰ کاري ورځې رامنځ ته شي او نږې ۷۶ زره کلیوال وګړي به له دې پروژو ګټه واخلي.

تازه خبرونه

چهارشنبه ۱۳۹۹/۵/۸ - ۸:۲۸
Background image

د کلیو بیارغونې او پراختیا وزارت له خوا د ملي بیرغ ورځ ولمانځل شوه

د کلیو بیارغونې او پراختیا وزارت کې د زمری اوومه د ملي بیرغ ورځ ولمانځل شوه.

په دې لمانځغونډه کې د کلیو بیارغونې او پراختیا وزارت مالي او اداري معین ښاغلي معراج الدین شمس، د پروګرامونو. . .

چهارشنبه ۱۳۹۹/۵/۸ - ۸:۲۵
Background image

په کابل کې د ۱۱۵ میلیونه افغانیو په ارزښت د ۲.۳۷ کیلو متره سړک د پخولو کار پیل شو

د کلیو بیا رغونې او پراختیا وزارت د مالي او اداري معین معراج الدین شمس له خوا د ۱۱۵ میلیونه افغانیو په ارزښت د کابل ښار د ۱۷ ناحیې اړوند د صلحې ښارګوټي مارشال محمد قسیم فهیم په نامه د ۲. . .

چهارشنبه ۱۳۹۹/۵/۸ - ۸:۲۳
Background image

په کابل کې د ۸.۴ میلیونه افغانیو په ارزښت د ۱.۰۳۴ کیلو متره د اوبه خور د کانال کار بشپړ شو

د کلیو بیا رغونې او پراختیا وزارت د سیمه یزو پروګرامونو د همغږۍ دفتر له لوري د کابل ولایت د میر بچه کوټ ولسوالۍ  د اروند خروټي کلي کې د ۸.۴ میلیونه افغانیو په ارزښت د ۱.۰۳۴ کیلو متره د. . .

BACK TO NEWS