په سمنګان ولایت کې د څه باندې ۱،۸ ميليونه افغانیو په ارزښت د کرنیزو ځمکو د اوبه کولو یوه زیرمه جوړه شوه
د کلیو د بیا رغونې او پراختیا وزارت د ولسي تړون ملي پروګرام له لوري د سمنګان ولایت د خرم او سارباغ ولسوالۍ د ده کلان په کلي کې د څه باندې ۱،۸ میلیونه افغانیو په ارزښت د کرنیزو ځمکو د اوبه کولو یوه زیرمه جوړه شوه. دغه زیرمه ۱۰۰ مربع متره مساحت او د ۴۰۰ مکعبه متره په حجم د اوبو زیرمه کولو ظرفیت لري. د نوموړې پروژې د کار په بهیر کې ۱۰۵۵ فني او غیر فني کاریګروته کاري ورځې رامنځته شوې او د بشپړیدو وروسته به ۱۵۰ کورنۍ ترینه ګټه اخلي.
