د کلیو بیارغونې او پراختیا وزارت د کلیوالي اقتصاد د پیاوړتیا ملي پروګرام په پام کې لري، چې د هېواد په کچه د کلیوالي تولیداتو ستر نندارتون جوړ کړي
د کلیو بیارغونې او پراختیا وزارت د جلالتمآب رییس جمهور د هدایاتو سره چې په کندهار ولایت کې باید د کلیوالي مېرمنو د تولیداتو د انکشاف او پراختیا په موخه باید لازم اقدامات ترسره شي، وپتېيله چې په لومړي قدم کې د دوی د تولیداتو د بازارموندنې او پرمختیا لپاره د هېواد د ټولو زونونو په کچه د کلیوالي تولیداتو ستر نندارتون په کندهار کې جوړ کړي.
په دې نندارتون کې د هېواد له ګوټ ګوټ څخه کلیوال متشبثین خپل توکي لکه لاسي صنایع، خوراکي توکي، زینتي توکي او قیمتي ډبرې نندارې او خرڅلاو ته وړاندې کوي.
ځای: د عینو مېنه، دوهمې فوارې تر څنګ، د حوض پارک
وخت: د روان کال د قوس مياشتې، ۱۲مه، ۱۳مه او ۱۴مه
یادونه: د نندارتون درېیمه ورځ یوازې او یوازې د مېرمنو لپاره ځانګړې شوېده.
