په پکتیا کې د ۴.۱ یو میلیونه افغانیو په ارزښت د یوه پله د جوړیدو چارې بشپړې او ګټې اخیستنې ته وسپارل شو .
د کلیو بیارغونې او پراختیا وزارت د ولسي تړون ملي پروګرام له لوري د پکتیا ولایت د احمد آبا ولسوالۍ اړوند د سره کلا د پراختيايي شورا لخوا د څه باندې ۴.۱ میلیونه افغانیو په لګښت د څه باندې ۱۴،۳ مترو په اوږدوالي د ګاډو د تګ راتګ د یوه پله د جوړېدو چارې بشپړې او ګټې اخیستنې ته وسپارل شو. د دې پله په جوړیدو سره څو کلي یو تر بله او د ولایت له مرکز ګردیز سره نښلول شویدي چې د پروژې د جوړیدو په بهیر کې تخنیکي او نا تخنیکي کاریګرو ته ۴۵۵۶ کاري ورځې رامنځته شوې.
