په کونړ کې د ۲.۳ میلیونه افغانیو په ارزښت ۱۲۴ کورنیو ته د څښاک پاکې اوبه برابرې شوې.
د کلیو د بیارغونې او پراختیا وزارت د ولسي تړون ملي پروګرام له لوري د کونړ ولایت د پیچ درې ولسوالۍ اړوند په کوز قندهارو کلي کې د ۲.۳ میلیونه افغانیو په ارزښت ۱۲۴ کلیوالي کورنیو لپاره څښاک پاکو اوبو ته د لاسرسۍ زمینه برابره شوه.
په دی پروژه کې چې ګټې اخیستنې ته وسپارل شوه د څښاک اوبو یوه شبکه چې د ۷۲ زره لیترو په ظرفیت د اوبو یوه زیرمه او ۱۸ نلکې لري. د دغې پروژې د جوړیدو په بهیرکې ماهرو او غیرو ماهرو کاریګرو ته ۲۲۵۴ کاري ورځې رامنځته شوېدي.
