په کاپیسا کې د (۴،۸) میلیونه افغانیو په لګښت د اوبو رسولو شبکه جوړه شوه
د کلیو بیارغونې او پراختیا وزارت په کلیوالي سیمو کې د اوبو رسولو او حفظالصحې د پروګرام له لوري د کاپیسا ولایت د مرکز اړوند زراعت عاشقان کلي کې د ۴،۸ میلیونه افغانیو په لګښت د اوبو رسولو یوه لمریزه شبکه جوړه او ګټې اخیستنې ته وسپارل شوه.
په یاده پروژه کې یوه ژوره څاه ، یوه ۲۰ متره مکعبه زیرمه، د لمریزو هندارو لګول او د هغو لپاره د محافظتي دیوال جوړول او د ۶۹۷۰ مترو په اوږدوالي د پایپونو د شبکې غځول شامل وو.
ددغې پروژې په ترڅ کې څه باندې (۹۰۰) کاري ورځې رامنځته شوي او د څه باندې (۳۰۰) کورنیو لپاره د څښلو پاکې اوبه برابرې شوې.
