په ننګرهار کې د ۸.۶ میلونه افغانیو په ارزښت د یوه استنادي دیوال جوړولو هوکړه لیک لاسلیک شو
د ننګرهار کلیو بیا رغونې او پراختیا رییس انجینرا امان الله میاخیل او د سپین غر ولسوالۍ جبې کلي پرمختیايي شورا د غړو ترمنځ د ۸.۶ میلیونه افغانیو په ارزښت د ۲۹۶ متره استنادي دیوال جوړیدو هوکړه لیک لاسلیک شو.
دغه استنادي دیوال د کلیو بیارغونې او پراختیا وزارت د سیمه ییزې پراختیا Regional Program له لوري د سپین غر ولسوالۍ د لوخۍ په قریه کې جوړیږي چې په ۱۸ میاشتو کې به یی چارې بشپړې شي.
ددې دیوال په جوړیدو سره به په یاده سیمه کې یو ښوونځی، یوشمیرکورونه او لسګونه جریبه کرنیزې ځمکې د سیلابونو له خطره وژغورل شي.
