په بغلان کې له ۴۵ اړو کورنیو سره د څه باندې ۶۸ زره افغانيو په ارزښت د خوراکي توکو مرسته وشوه
د کلیو بیارغونې او پراختیا وزارت د ولسي تړون ملي پروګرام د غله جاتو د بانک له لوري د بغلان ولایت مرکزشاوخوا د جبار کلي د پراختیایي شورا لخوا له ۴۵ اړو کورنیو سره د څه باندې ۶۸ زره افغانيو په ارزښت د خوراکي توکو مرستې وشوې. دغه مرستې د ولسي تړون د ټولنیز ګډون لپاره د مالي وجهې پروګرام (SIG) لخوا چې د خلکو ونډه هم پکې شامله وه، کلیوالو ته وړاندې شوې پدې مرستو کې هرې کورنۍ ته ۵۰ کیلو اوړه وویشل شول. د بې روزګارۍاو موسمي لوږې پر مهال د کلیو اړو کسانو ته د غله جاتو بانکونو له لارې مرسته، د شتمنو خلکولخوا د بیوزلو کسانو دلاسنیوي فرهنګ خپروي.
