په ننګرهار کې شاوخوا ۴۵۰ کورنيو ته د څښلو پاکې اوبه برابرې شوې
د کليو بيارغونې او پراختيا وزارت په کليوالي سيمو کې د اوبو رسولو او حفظالصحې د ملي پروګرام له لوري د څه باندې ۴ ميليونه افغانيو په لګښت سره چې د دولت له بودجې نه د ماليې وزارت لخوا ورکړل شوې، د ننګرهار ولايت د نازيانو ولسوالۍ په نوي نيازمحمد کلي کې د اوبو رسولو يوه لمريزه شبکه جوړه او د خلکو ګټې اخيستنې ته وسپارل شوه. د اوبو رسولو دغه شبکه چې په تکميلېدو سره يې د څه باندې ۴۵۰ کورنيو لپاره د څښلو پاکې اوبه برابرې شوې د يادونې وړه ده چې د دغې شبکې د جوړولو چارو د ځايي خلکو لپاره ۱۲۰ کاري ورځې هم ايجاد کړې.
