په ۱۳۹۹ کال کې په لغمان کې ۳۸.۸ کیلو متره سړک جوړ شوی دی.
د کلیو بیا رغونې او پراختیا وزارت د کلیوالي لار جوړولو ملي پروګرام له لوري د ۱۳۹۹ مالي کال په اوږدو کې د لغمان ولایت په مرکز او ولسوالیو کې د نږدې ۳۴ میلیونه افغانیو په لګښت ۳۸.۸ کیلو متره سړک جوړ شوی دی، او د ۶.۶۲ کیلو متره کانکریټي سړک او ۱۰۰ متره پله کار په دې ولایت کې روان دی.
د دې پروژو په ترڅ کې سلګونه کاري ورځې رامنځ ته شوي او تر بشپړتیا وروسته یې د سیمې د خلکو ترانسپورتي ستونزې تر ډیره هوارې شوې دي.
یاده دې وي چې سربیره پر دې د لغمان د څلورو ولسوالیو د ۸۵ کیلو متره سړک د سروې چارې هم بشپړې شوې دي.
