په کندهار کې د اوبو لګولو د پاخه کانال د جوړولو کار روان دی
د کلیو بیا رغونې او پرمختیا وزارت د سیمه ییز پروګرام له لوري په کندهار ولایت کې ۷۹۳ مترو په اوږدوالي د اوبو لګولو RCC ډوله کانال کار ۲۰ سلنه مخته تللی دی.
دغه کانال، چې له ملي بودیجې تمویلیږي او د یاد ولایت د ډنډ ولسوالي په ناکودک کلي کې جوړیږي، چې کابو ۲۳۳۴ کاري ورځې به رامنځته کړي او په بشپړیدو به یې د سیمې ۱۸۷۲ کسه ترې ګټه پورته کړي.
د یادونې وړ ده، چې یاده پروژه به نه یواځې د سیمې سلګونه جریبه کرنیزه ځمکه د اوبو لګولو تر منظم پوښښ لاندې راولي؛ بلکې د کانال په اوږدو کې به د اوبو بې ځایه ضایع کیدو مخه هم ونیول شي.
