په کندهار کې د څه باندې ۱.۶ ملیونه افغانیو په ارزښت د اوبو لګولو د یو کانال د جوړولو کار بشپړ شو
د کلیو د بیا رغونې او پراختیا وزارت د ولسي تړون ملي پروګرام له لوري د څه باندې د ۱.۶ ملیونه افغانیو په ارزښت د اوبو لګولو د یوکانال د جوړولو کار د کندهار ولایت د پنجوایي ولسوالۍ اړوند د محمد نور پراختیایي شورا له خوا بشپړ او ګټې اخیستنې ته وسپارل شو. د دغه کانال مجموعي اوږدوالی ۱۴۰۰ متره دی چې ۸ بندونه او ۱۵ د اوبو د ویش دروازې لري. د دغې پروژې د جوړولو په بهیر کې ماهرو او غیرو ماهرو کاریګروته ۹۷۰ کاري ورځې رامنځته شوې دي او د کلي ۱۳۵ کورنۍ ترینه ګټه پورته کوي. د یادونې وړ ده چې د نوموړي کانال په ګټې اخیستنې سره به د کلیوالو ۱۱۰۰ جریبه ځمکه خړوبه شي.
