په کابل کې ۲۷۵ کلیوالي کورنیو ته د څښاک پاکې اوبه برابرې شوې
د کلیو د بیارغونې او پراختیا وزارت د ولسي تړون ملي پروګرام له خوا د کابل ولایت د بګراميو ولسوالۍ اړوند په چرخ آب کلي کې د ۵.۱ میلیونه افغانیو په ارزښت د څښاک پاکو اوبو د ۲ شبکو په جوړیدو سره، ۲۷۵ کلیوالو کورنیو ته پاکو اوبو ته د لاسرسي زمینه برابره شوه.
نوموړې شبکې ۳ کیلو متره اوږدوالی، د ۶۰ مکعبه متره اوبو د ظرفیت په لرلو سره د اوبو ۲ ځمکنۍ زیرمې او د ۱۲۰ مترو په ژوروالي، ۲ ژورې څاه ګانې لري. دغو شبکو ته ۱۹ نلکې هم جوړې شویدي چې د جوړولو د کار په بهیر کی ماهرو او غیرو ماهرو کاریګرو ته ۲۵۰۰ کاري ورځې را منځته شوې.
