په کابل کې د ۱.۶ میلیونه افغانیو په لګښت د اوبو لګولو د یوه کرنیز کانال د جوړولو چارې بشپړې شوې.
د کلیو بیارغونې او پراختیا وزارت د ولسي تړون ملي پروګرام له لوري د کابل ولایت د خاک جبار ولسوالۍ اړوند د خروټي کلي پراختيايي شورا لخوا د ۱.۶ میلیونه افغانیو په لګښت د ۶۰۸ مترو په اوږدوالي د یوه کرنیز کانال د جوړولو چارې بشپړې او ګټې اخیستنې ته وسپارل شو. دا کانال د ځايي خلکو ۲۵۰ جرېبه کرنيزه ځمکه خړوبوي او ۳۵ کورنۍ ترې ګټه اخلي، دې پروژې د تخنیکي او ناتخنیکي کاریګرو لپاره ۷۰۷ کاري ورځې هم رامنځته کړې وې.
