په پکتیا کې د ۱.۵ میلیون افغانیو په لګښت د یو محافظوي دیوال کار بشپړ شو
د کلیو د بیارغونې او پراختیا وزارت د ولسي تړون ملي پروګرام د سلطان خیلو کلي د پراختیایي شورا لخوا د پکتیا ولایت په سید کرم ولسوالۍ کې د ۱.۵ میلیون افغانیو په لګښت د یوه محافظوي دیوال پروژه بشپړه او ګټې اخستنې ته وسپارل شوه.
د نوموړي دیوال اوږدوالی ۳۱۸ متره دی چې۱۲۶۰ جریبه کرنیزه ځمکه د سیلاوو له ګواښ نه ژغوري او ۱۱۲ کورنۍ به ترینه ګټه واخلي. د یادوني وړده چې د پروژې د جوړیدو په بهیرکې ماهرو او غیرو ماهرو کاریګرو ته ۱۰۲۳ کاري ورځې رامنځته شوېدي .
