په پکتیا کې د څۀ باندې ۵.۳ میلیون افغانیو په ارزښت د اوبو لګولو د یوې پروژې کار روان دی
د اوبو لګولو دغه پروژه د کلیو بیارغونې او پراختیا وزارت د سیمیز پروګرام د همغږۍ دفتر له لوري د سیدکرم ولسوالۍ اړوند یحیا خېلو کلي کې د څۀ باندې ۵.۳ میلیون افغانیو په ارزښت جوړیږي ، چې پکې د اوبو ذخیره کولو یوې کانګریټي زیرمې او ۲۷۰ متره اوږد د اوبو لګولو یو کانال جوړول او همدارنګه د ۱۵۲۴ متره په اوږدوالي د یوۀ کارېز د پاکارۍ چارې شاملې دي ، ددې پروژې په تطبیق سره به د سلګونه جریبه ځکې د خړوبولو سربېره د اوبو د ضایعاتو مخنیوی وشي او هم یې د تطبیق پرمهال لسګونه ځایي خلکو ته کاري فرصتونه برابر شوي دي.
