په ننګرهارکې ۷۳۰ کورنیو ته د څښاک پاکې اوبه برابرې شوې
د کلیو بیا رغونې او پراختیا وزارت د اوبو رسولو او کلیوالي حفظ الصحې ملي پروګرام له لوري د ۱۱ میلیونه افغانیو په لګښت د ننګرهار ولایت د پچیراګام ولسوالۍ د بر بامه خیلو او مینځ کندي په کلیو کې د اوبو رسولو دوه شبکې جوړې شوې.
د دې شبکو په جوړیدو سره ۷۳۰ کورنیو د څښاک پاکو او صحي اوبو ته لاسرسی وموند.
یاده دې وي چې دا شبکې په سولري سیستم سنبالې دي او د جوړولو په ترڅ کې یې سلګونه کاري ورځې رامنځ ته شوې وې.