په لوګر کې د څه باندې ۳ میلیون افغانیو په ارزښت د اوبو لګولو د کاریز د جوړولو کار بشپړ شو
د کلیو د بیا رغونې او پراختیا وزارت د سیمه ییز پروګرام له لوري د لوګر ولایت ولایت د مرکز پُل علم په نوآباد قلعه زرداد کلي کې د څه باندې ۳ میلیونه افغانیو په لګښت د اوبو لګولو پوخ کاریز، د اوبو پوخ زیرمتون او ځمکو ته د اوبو رسوونکی پوخ کانال جوړ شویدی.
د دغې پروژې په ترڅ کې د یاد د یادې پروژې د تطبیق پر مهال ۱۸۰۷ کاري ورځې رامنځته شوي چې د سیمې ۱۸۹۰ اوسیدونکي ترې ګټه پورته کوي. د یادونې وړ ده چې د دغې پروژې په بشپړیدو نه یواځې د سیمې د بزګرانو کرنیزې ځمکې د اوبو لګولو تر منظم پوښښ لاندې راغلي بلکې دغو ځمکو ته د اوبو د رسیدو په لار کې د اوبو د بې ځایه ضایع کیدو مخه هم نوره نیول شویده.
