په جوزجان کې د ښځینه لاسي صنایعو نندارتون جوړ شو
د کلیو بیارغونې او پراختیا وزارت د کلیوالي اقتصاد د پیاوړتیا ملي پروګرام له لوري یو شمېر ښځينه ګټه اخیستونکیو په جوزجان ولایت کې د افغانستان د اساسي قانون د تصویب د ۱۷ مې کالیزې د نمانځغونډې په مناسبت په جوړ شوي نندارتون کې ګډون وکړ.
په دې نندارتون کې چې د شبرغان ښار په یو سالون کې جوړ شوی وو، د څلویښتو تولیدي ګروپونو سربېره د کلیوالي اقتصاد د پیاوړتیا ملي پروګرام د پور او سپما پنځو کلیوالي اتحادیو هم برخه اخیستې وه. چې تولیدي ګروپونو خپل لاسي تولیدات نندارې او پلورنې ته وړاندې کړل.
