په افغانستان کې د څښاک د اوبو د پروژو د اغیزناکتوب او پایښت د تخنیکي مطالعې ورکشاپ جوړ شو
د افغانستان د کلیو پراختیا انسټیټيوټ په افغانستان کې د څښاک د اوبو د پروژو د اغیزناکتوب او پایښت د تخنیکي مطالعې دوه ورځنی ورکشاپ د اوبو رسولو او کلیوالي حفظ الصحې ملي پروګرام په همکارۍ او د ملي او نړیوالو موسسسو د ۴۰ تنو کارکوونکو په ګډون تر سره کړ.
د ورکشاپ په پیل کې د کلیو بیا رغونې او پراختیا وزارت د پروګرامونو معین پوپل حبیبي په دې اړه چې په کلیو کې د څښاک اوبه د خلکو له مهیمو اړتیاوو دي وویل« په دې څيړنه کې د وزارت مشرتابه ته د پروژو په برخه کې ژمنتیا او پایښت د اوبو صحي والی او په خلکو کې د پروژو د مالکیت احساس ژوندی کول ډیر ارزښتناک دي»
یاده دې وي چې د دې څيړنې طرحه د کلیو بیا رغونې او پراختیا وزارت د انسټیټیوټ د عمومي ریاست او د اوبو رسولو او کلیوالي حفظ الصحې ملي پروګرام په همکارۍ چمتو شوې وه او د دوه ورځني تخنیکي ورکشاپ په ترڅ کې یې ګډونوالو د اړوندو اړتیاوو او د شاخصونو د انکشاف پر اړه خبرې اترې وکړې او ژمنه یې وکړه چې په ګډه سره به پر دې موضوع کار کوي.
