د کابل ولایت په میربچه کوټ ولسوالۍ کې د لومړني ښوونځي د جوړولو چارې ۹۷سلنه بشپړې شوې
د کليو بیارغونې او پراختیا وزارت د ولسي تړون ملي پروګرام د اقراء برنامه له لوري د کابل ولایت په میربچه کوټ ولسوالۍ کې د لومړني ښوونځي د جوړولو چارې، چې د ۳،۲ ميليونه افغانیو په لګښت جوړیږي، ۹۷سلنه بشپړې شوې دي.
یاد ښوونځي، څلور درسي، خونې، پنځه تشنابونه او نورې اړونده اسانتیاوې لري، چې ۲۰۰۰ زده کوونکو انجونو او هلکانو ته به د زده کړو چاپیرل برابر کړي. د دې ښوونځي د جوړولو په کاري بهیر کې د سېمې خلکو ته ۱۵۶۵ کاري ورځې هم ایجاد شوې دي.
